اسلام آباد: قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نےخبروں کی سختی سے تردید کی ہے کہ ایچ ای سی سے لئے گئے فنڈز بوائز ہاسٹل،سپورٹس جمنازیم و دیگر جگہ استعمال ہو رہےہیں۔
ذرائع کے مطابق قراقرم انٹرنیشنل یونیورسٹی کےجمان کا کہنا ہےکہ ترقیاتی فنڈز کی واپسی سمیت انجینئرنگ فیکلٹی منصوبے سے ایک پائی بھی ہائر ایجوکیشن کمیشن کو واپس نہیں کی گئی ، ایچ ای سی سے لئے گئے فنڈزبوائز ہاسٹل ، فیکلٹی آف انجینئرنگ ،سپورٹس جمنازیم سمیت غذر،ہنزہ اور دیامر کیمپس کی توسیع میں استعمال ہورہے ہیں جبکہ انجینئرنگ فیکلٹی منصوبہ کی زمین کا تنازع کافی پہلے پیدا ہوا تھا جسے خوش اسلوبی سے حل کیاگیااوراس وقت بہترین انداز میں منصوبے پر کام جاری ہے اورمتعلقہ منصوبوں کے ٹھیکیداروں کو وقتاً فوقتاً ادائیگیاں کی جاتی ہیں۔