اتوار, 16 جنوری 2022


جامعہ این ای ڈی کےتحت 30واں سالانہ جلسہ تقسیمِ اسنادمنعقد

کراچی: جامعہ این ای ڈی کے تحت تیسویں سالانہ جلسہ تقسیمِ اسناد2021 کا انعقاد کیاگیا۔

Image

تقسیم اسناد کی تقریب میں بطور مہمان خصوصی گورنر سندھ و چانسلر عمران اسماعیل، پرو چانسلر جامعات اسماعیل راہو جبکہ اعزازی مہمان کی حیثیت سے وزیراعلیٰ سندھ مراد علی شاہ شریک تھے۔

شیخ الجامعہ پروفیسر ڈاکٹر سروش حشمت لودھی نے کہا کہ جامعہ این ای ڈی کو اس سال سو برس مکمل ہوئے ہیں،اس موقعے پر یہ بتاتے ہوئے خوشی محسوس کررہا ہوں کہ اس برس18 پی ایچ ڈی ڈگری دینے والی ہم ملک پہلی ”انجینئرنگ جامعہ“ ہیں۔ا س موقعے پر اس ادارے سے وابستہ اور سابقہ ہر فرد کا شکریہ ادا کیاجنہوں نے ادارے کو ترقی کی راہوں پر گامزن رکھا۔

تقریب سےخطاب کرتے ہوئے اعزازی مہمان کی حیثیت سے وزیر اعلی سندھ سید مراعلی شاہ کا کہنا تھا کہ میں شیخ الجامعہ پروفیسر ڈاکٹر سروش لودھی اور ان کی ٹیم کو مبارک باد دیتا ہوں جن کی سربراہی میں جامعہ ترقی کی منازل طے کررہی ہے۔، این ای ڈی یونی ورسٹی 100 برس سے پیشہ وارانہ تعلیم دے رہی ہے توآپ پر فرض ہے کہ آپ المنائی کی حیثیت سے اپنی جامعہ کی بہتری کے لیے کردار ادا کرتے رہیں۔انہوں نے مزید کہا کہ بحیثیت طالب علم، انسان تمام زندگی اپنی جامعہ سے وابستہ رہتا ہے

Image

اس موقعے پر خطاب کرتے ہوئے پرو چانسلر جامعات اسماعیل راہو کا کہناتھا کہ یومِ تقسیمِ اسناد دراصل والدین کی محنت کے نتائج کا دن ہوتا ہے۔

گورنر/ چانسلر جامعات عمران اسماعیل کا کہنا تھا کہ جامعہ این ای ڈی اورا س کا تھر کیمپس بہترین کام کررہا ہے،جامعہ این ای ڈی ملک کی عظیم جامعات میں سے ایک ہے جو کہ ناصرف تعلیمی بلکہ ملکی ترقی میں بھی کردار ادا کررہی ہے۔ تعلیمی اداروں میں کوالٹی ایجوکیشن اور تحقیق کے ذریعے دنیا سے مقابلہ کیا جاتا ہے لیکن آج کا دور انٹر پرینورشپ کا دور ہے جامعہ این ای ڈی اس حوالے سے بھی اہم مقام رکھتی ہے۔

May be an image of 4 people and people standing
اس جلسہ تقسیم اسناد 2021میں 18طالب علموں کو ڈاکٹریٹ کی سندتفویض کی گئی۔ 2021 کے پاس آؤٹ گریجویٹس 916اور ماسٹرزکے طالب علموں کی تعداد868ہے جب کہ کانوکیشن میں شریک طالب علموں کی تعداد قریباً 1560 رہی۔

 

پرنٹ یا ایمیل کریں

Leave a comment