ایمز ٹی وی (ایجوکیشن) جامعہ کراچی کے ڈاکٹر اے کیو خان انسٹیٹوٹ آف بائیوٹیکنالوجی اینڈجینیٹک انجینئرنگ کے تحت ڈاکٹر اے کیوخان ونٹر اسکول میں تین روزہ ورکشاپ بعنوان ’’جدید آلات،تکنیک اور صحت وعوارض ،نئے رجحانات‘‘ کی افتتاحی تقریب آج منعقد ہوگئی۔
خطبہ استقبالیہ ڈائریکٹر جنرل ڈاکٹر اے کیو خان انسٹیٹوٹ آف بائیوٹیکنالوجی اینڈ جینیٹک انجینئرنگ میریٹوریس پروفیسر ڈاکٹر عابد اظہرنے پیش کیا۔ ورکشاپ میں قومی اور بین الاقوامی اسکالرز اور ٹرینرز مختلف موضوعات پر شرکاء کو تربیت فراہم کرینگے۔پروفیسر ڈاکٹر عابد اظہر کے مطابق مذکورہ ورکشاپ میں شرکاء کو لیبارٹری ورک ،ڈی این اے کے نمونوں کی کلیکشن اور دیگر اہم امور سے آگاہی جیسے اہم موضوعات شامل ہیں۔