ایمزٹی وی(تعلیم) سندھی ادبی سنگت میہڑ کے تحت مشہور عالم ،محقق اور ادیب علامہ مفتی کریم بخش مگسی کی 10 ویں برسی کمیونٹی سینٹر میہڑ میں منائی گئی۔ اس موقع پر معروف ادیب پروفیسر قلندر شاہ لکیاری نے صدارتی خطاب میں کہا کہ مفتی کریم بخش مگسی نے تعلیم عام کرنے کے لئے بڑی جدوجہد کی، وہ سندھی زبان کا خاموش خدمت گار تھا اس موقع پر مقررین نے کہا کہ مدرسوں کا نصاب تبدیل کیا جائے ، ادیب اور کالم نگار ارباب نیک محمد نے کہا کہ شہید عبدالرحیم گروہڑی سے لے کر مفتی کریم بخش مگسی تک سندھ کے علماء نے سندہ دھرتی سے محبت کی ہے، علامہ مفتی کریم بخش مگسی مذہبی ہم آہنگی پر یقین رکہتے تھے ،وہ مذہبی رواداری پر زور دیتے تھےتقریب سے جوہر بروہی ، پروفیسر آدم بٹ و دیگر نے خطاب کیا۔