ایمز ٹی وی (ایجوکیشن) جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی کام پرائیویٹ کے سالانہ امتحانات2015ء کا امتحانی شیڈول جاری کردیا ہے جس کے مطابق امتحانات23 فروری2016ء سے شروع ہونگے۔ بی کام پرائیویٹ کے تمام امیدواروںکے ایڈمٹ کارڈ ان کے دیئے گئے پتوں پر ارسال کردیئے گئے ہیں۔

ایسے طلبا وطالبات جنہیں 19 فروری2016 ء تک ایڈمٹ کارڈ موصول نہیں ہوئے انہیں ہدایت کی جاتی ہے کہ وہ 20 اور22 فروری 2016ء کو صبح 10:00 تا ساڑھے چار بجے شام تک ڈپلی کیٹ ایڈمٹ کارڈ اور امتحانی پروگرام شعبہ امتحانات ایکسٹرنل یونٹ واقع سلور جوبلی گیٹ کمرہ نمبر 01 سے حاصل کرلیں۔ ایڈمٹ کارڈ کے حصول کے لئے امتحانی فارم کی اوریجنل رسید، دو عدد پاسپورٹ سائز تصاویر،اصل رجسٹریشن کارڈ اوراصل قومی شناختی کارڈ بھی لازماً ساتھ لانا ہوگا۔