ایمزٹی وی (ایجوکیشن) ثانوی تعلیمی بورڈکراچی کے اعلامیہ کے مطابق نویں اور دسویں سائنس اور جنرل ریگولر پرائیویٹ کے 28مارچ سے شروع ہونے والے سالانہ امتحانات کے ایڈمٹ کارڈز، ڈیٹ شیٹ اور سینٹر لسٹ 16مارچ2016 سے جاری کئے جائیں گے۔ اعلامیہ کے مطابق بورڈ کے چیئرمین پروفیسر انوار احمد زئی نے اسکولوں کے سربراہان سے کہا ہے کہ وہ اپنے شناختی کارڈ کی کاپی، آفس کارڈ اور اتھارٹی لیٹر کے ہمراہ مقررہ تاریخ کو میٹرک بورڈ کے کانفرنس ہال پہلی منزل سے صبح ساڑھے9بجے سے شام 5بجے تک حاصل کر سکتے ہیں۔ جبکہ پرائیویٹ طلبہ وطالبات کے ایڈمٹ کارڈ ان کے رہائشی پتوں پر ارسال کر دیئے گئے ہیں نہ ملنے کی صورت میں16مارچ کے بعد فیس چالان کی سلپ اور گزشتہ ایڈمٹ کارڈ کی کاپی کے ہمراہ بورڈ آفس کے متعلقہ سیکشن بلاک Aکمرہ نمبر5سے رابطہ کر سکتے ہیں۔