ایمزٹی وی(انٹرنیشنل) اوباما تمہارا صدر ہوگا مگر یہ ہمارا ملک اور ہمارا ایئرپورٹ ہے، چینی افسر نے امریکی صدر کے ساتھ پہنچنے والی صحافی کو جھڑک کر پروٹوکول سے علیحدہ کردیا۔

امریکی صدر براک اوباما جی ٹوئنٹی کے اجلاس میں شرکت کے لیے چین پہنچے تو روایتی پروٹوکول سے ان کا استقبال کیا گیا لیکن صدر اوباما کے اسٹاف اور سیکورٹی آفیشلز کے درمیان تو کچھ اور ہی بحث چل رہی تھی۔

قصہ کچھ یوں ہے کہ چینی آفیشلز نے صدر اوباما کے ساتھ آنے والے صحافیوں کو اوباما کے بہت قریب ہونے سے روکا تو دونوں میں تلخ کلامی ہوگئی۔

وائٹ ہائوس آفیشل کا کہنا تھا کہ یہ ایک امریکی طیارہ ہے اور وہ امریکی صدر ہیں جس پر چینی آفیشل نے سختی سے واضح کیا کہ یہ ہمارا ملک ہے اور یہ ہمارا ائیرپورٹ ہے۔