ایمز ٹی وی (تجارت) عالمی منڈی کی طرح مقامی مارکیٹوں میں بھی کپاس کی قیمتوں میں کمی کا رجحان ، پھٹی کے دام میں بھی 200 روپے کی کمی۔ عالمی منڈی کی دیکھا دیکھی مقامی مارکیٹوں میں بھی کپاس کی قیمتوں میں کمی کا رجحان جاری ہے ، یہی وجہ ہے کہ کپاس کی فی من قیمت 150 روپے کمی سے 6200 روپے ہوگئی جبکہ پھٹی کے دام 200 روپے تک کم ہوگئے ۔ سندھ اور پنجاب میں پھٹی کی قیمت 2500 سے 3100 روپے ہے ۔ پاکستان جنرز ایسوسی ایشن کے چیئرمین شہزاد علی خان نے دنیا نیوز کو بتایا کہ مقامی مارکیٹوں میں کپاس کی قیمتوں میں 100 دو سو روپے کی کمی عارضی ہے ۔ عید کے بعد کاٹن کے ریٹ ایک بار پھر 6500 سے 7000 فی من ہوجائیں گے ۔ ان کا مزید کہنا تھا کہ رواں سیزن میں ملک بھر میں بہتر موسم کے باعث کپاس کی فی ایکڑ کاشت میں اضافے کا امکان ہے