ایمز ٹی وی (راولپنڈی)تھانہ بنی کے علاقے میں جیولری کی دکان میں نقب زنی کی واردات میں 2کروڑ مالیت کا 4کلوگرام سونا چوری کر لیاگیا۔ چور مری روڈ پر واقع راناجیولرز کی دکان میں نقب لگاکرداخل ہوئے اور سیف توڑ کر 4کلو سونا لے گئے ۔
ذرائع کے مطابق دکان کے مالک راناعتیق نے تھانہ بنی پولیس کو درخواست دے دی تاہم پولیس کاکہناہے کہ مالک نے اپنی درخواست میں نقصان کی مالیت کانہیں بتایا۔ ذرائع کے مطابق پولیس ابھی ابتدائی تفتیش کررہی ہے جبکہ پولیس کے مطابق چارکلو سونا لوٹاگیا۔چوری شدہ سونے کی مالیت دو کروڑ ہے ۔
راولپنڈی جیولرزایسوسی ایشن کے صدر خواجہ سہیل صادق نے چوری وڈکیتی کی بڑھتی ہوئی وارداتوں پرتشویش کااظہار کرتے ہوئے آج ایسوسی ایشن کا اجلاس طلب کرلیا۔