ایمز ٹی وی(کراچی) سابق چیف جسٹس آ ف پاکستان اورگورنر سندھ سعید الزماں صدیقی صحت یاب ہو کر ہسپتال سے ڈسچارج ہو گئے

گورنر سندھ سعید الزماں صدیقی صحت یاب ہو کر ہسپتال سے رہائش گاہ منتقل ہو گئے ہیں ۔وہ ایک ماہ کلفٹن کے نجی ہسپتال میں زیر علاج رہے ۔واضح رہے کہ گورنر سعید الزماں صدیقی گزشتہ ماہ کی 11تاریخ کو اپنے عہدے کا حلف اٹھانے کے دو روز بعد طبیعت بگڑنے پر ہسپتال منتقل ہوئے تھے اور وہ ایک ماہ تک ہسپتال میں زیر علاج رہے ۔اس دوران وہ بطور گورنر سندھ کئی میٹنگز میں شریک نہ ہو سکے ۔دوروز قبل سندھ کی اپیکٹ کمیٹی کا اجلاس ہوا تھا جس میں وزیر اعلیٰ سندھ ،کور کمانڈر کراچی اور ڈی جی رینجرز سندھ سمیت بہت سی اہم شخصیات شامل تھیں ،یہ اجلاس گورنر سندھ کی زیر صدارت ہونا تھا تاہم سعید الزماں صدیقی کی عدم دستیابی کی وجہ سے یہ اجلاس وزیراعلیٰ سندھ کی قیادت میں ہوا تھا