ایمز ٹی وی(کراچی) قائد آباد میں منشیات فروشوں کے خلاف پولیس نے کریک ڈاؤن کرتے ہوئے تین اڈوں کو مسمار کرتے ہوئے ایک منشیات فروش کو گرفتار کرلیا۔
تفصیلات کے مطابق قائد آباد تھانے کی حدود قائد آباد مسلم آباد اسپتال چورنگی کے قریب منشیات فروشوں کی اطلاع پر ایس ایس پی ملیر راؤ انوار کی سربراہی میں ایس ایچ او قائد آباد نے پولیس کی بھاری نفری کے ہمراہ ٹارگٹڈ کارروائی کرتے ہوئے بدنام زمانہ منشیات فروش جاوید کو گرفتار کرکے اسکے قبضے سے بھاری تعداد میں منشیات برآمد کرلی۔
پولیس نے منشیات کے تین اڈوں کو مسمار کردیا، اس ضمن میں ایس ایچ او صداقت کا کہنا ہے کہ منشیات کے مذکورہ اڈوں پر کافی عرصے سے منشیات فروخت ہورہی تھی۔