ایمز ٹی وی (تجارت)پورٹ قاسم پر ساڑھے سات ارب روپے کی لاگت سے ملک کا سب سے بڑا میٹ پروسیسنگ پلانٹ کی تنصیب کا کام مکمل ہو گیا جس کے بعد پاکستان مختلف ممالک کو حلال گوشت کی بڑی مقدار برآمد کرنے والے ممالک میں شامل ہوجائے گا ۔ فوجی میٹ لمیٹڈ کےپراسیسنگ پلانٹ کا افتتاح چیئرمین فوجی فاؤنڈیشن خالد نواز نے کیا۔ خالد نواز نے کہا کہ پورٹ قاسم پر پروسیسنگ یونٹ 18 ماہ میں مکمل کیا گیا۔ خالد نواز نے کہا کہ روس ، مشرق وسطیٰ اور شمالی افریقہ کو حلال گوشت کی برآمدات کے حوالے سے حکومت سے بات چیت جاری ہے۔ دنیا میں حلال میٹ کا کاروبار 300 ارب ڈالر ہوچکا ہے۔ مڈل ایسٹ حلال فوڈ کی برآمد کے حوالے سے بڑی مارکیٹ ہے ۔