ایمز ٹی وی(تعلیم/راولاکوٹ) آزادکشمیرا سکولز ٹیچرز آرگنائزیشن ضلع پونچھ (حقیقی پینل) کے چیئرمین سردار خلیل خان نے کہا ہے کہ ٹیچرز آرگنائزیشن کے آئندہ انتخابات میں اساتذہ کو صاف ستھری اور پڑھی لکھی قیادت مہیا کریں گے۔ ۔تعلیمی انتظامیہ سے بھی ہماری گزارش ہے کہ دفتروں کے چکر لگانے والی نام نہاد ضلعی و تحصیل قیادت کی باتوں میں نہ آئیں اور انہیں اسکولوں میں حاضری کا پابند کریں ۔ ان خیالات کا اظہار انہو ں نے اساتذہ کے ایک اجلاس سے خطاب کرتے ہوئے کیا ۔انہوں نے کہاکہ آزادکشمیر اسکولز ٹیچرز آرگنائزیشن کی مرکزی قیادت کو چاہیے کہ وہ اساتذہ کے مسائل کے حل کیلئے اپنا کردار ادا کرے، اساتذہ اس وقت شدید مشکلات و مسائل کا شکار ہیں ۔ ٹائم اسکیل واپس لینے کا چکر چلا یا جارہا یہ اس وقت مرکزی قیادت کی خاموشی مجرمانہ غفلت تصور ہوگی۔ انہوں نے اساتذہ ضلع پونچھ سے مطالبہ کیا کہ وہ آئندہ انتخابات میں حقیقی پینل کا ساتھ دیں۔