ایمز ٹی وی (تعلیم /فیصل آباد) جی سی یونیورسٹی کے شعبہ ریاضی کے زیر اہتمام سیمینار کا انعقاد کیا گیا ۔ وائس چانسلرپروفیسر ڈاکٹر محمد علی نے طلبہ وطالبات کو پوری دلجمعی سے تعلیم حاصل کرنے اور وقت غیر ضروری سرگرمیوں میں ضائع نہ کرنے کی ضرورت پر زور دیا اور کہا کہ طلبہ محنت کو شعار بنائیں ۔ نامور ریاضی دان ڈاکٹر محمد شریف (پی یو، لاہور) اور ڈاکٹر مجاہد عباس (یو ای ٹی لاہور) نے ریاضی میں نئی جہت و تبدیلیوں پر روشنی ڈالی اور ریاضی کے جدید نظریات اورمسائل پر طلبہ کو روشناس کروایا۔ انہوں نے طلبہ کو اعلیٰ تعلیم کے حصول او ردنیا میں دستیاب نئے وسائل کو استعمال کرنے پر بھی زور دیا۔ تقریب میں چیئرمین شعبہ ریاضی پروفیسر ڈاکٹر محمد نواز نعیم اور پی ایچ ڈی سکالر رائو مزمل حسین بھی شریک تھے۔