ایمز ٹی وی (فارن ڈیسک) ایران کے سپریم لیڈر آیت اللہ خامنہ ای نے امریکی صدر بارک اوباما کو ایٹمی پروگرام سے متعلق خفیہ خط کا جواب دیدیا ہے ۔ امریکا نے ایٹمی معاہدے کی صورت میں داعش کیخلاف تعاون کی تجویز دی تھی ۔

امریکی اخبار وال اسٹریٹ جرنل نے ایرانی سفارت کار کے حوالے سے دعویٰ کیا کہ آیت اللہ خامنہ ای نے ایران کے ایٹمی پروگرام سے متعلق صدر اوباما کی تجاویز کا جواب دیدیا ہے ۔ اخبار کے مطابق صدر اوباما نے گزشتہ سال اکتوبر میں آیت اللہ خامنہ ای کو خط لکھا تھا جس میں جوہری معاہدے کی صورت میں داعش کیخلاف جنگ میں تعاون کی پیش کش کی تھی، وائٹ ہاوس نے آیت اللہ خامنہ ای کے خط پر تبصرے سے انکار کیا ہے۔