ایمز ٹی وی (تجارت) سرگودھامیں گندم خریداری سیزن کی تیاریوں کا آغاز ، خسرہ گرداوری کا سابقہ ریکارڈ محکمہ مال کو بھجواتے ہوئے چھان بین کے بعد تازہ ترین ریکارڈ طلب کر لیاگیا۔ ذرائع کے مطابق محکمہ مال کی طرف سے مرتب کر دہ خسر ہ گرداوری کے ریکارڈ میں ہر مرتبہ بے ضابطگیاں سامنے آتی ہیں .
جس پر ڈی ایف او کی طرف سے ایڈیشنل ڈپٹی کمشنر کو جاری مراسلہ میں کہا گیا ہے کہ لینڈ ریکارڈ سنٹرز سے تصدیق شدہ خسرہ گرداوری کی تازہ تفصیلات ایک ماہ کے اندر اندر ارسال کی جائیں ۔ دریں اثناء ضلع بھر کے سرکاری گوداموں میں گندم کے موجودہ اسٹاک کی فیزیکل چیکنگ کیلئے ٹیمیں تشکیل دیدی گئی ہیں