ایمز ٹی وی (صحت /راولپنڈی) فروری میں موسم کی شدت میں کمی کے باوجود ڈینگی کا مریض ہولی فیملی ہسپتال میں داخل کروا دیا گیا۔ 37سالہ ظہیر نامی شخص کا تعلق ڈھوک کشمیریاں سے ہے جہاں گزشتہ سال سب سے زیادہ مریض ڈینگی میں مبتلا ہوئے تھے۔

ڈاکٹرز کا کہنا ہے کہ اگر راولپنڈی اسلام آباد کی انتظامیہ نے ابھی سے احتیاطی اقدامات نہ کئے تو آنیوالے موسم میں ڈینگی کی وباء میں خطرناک حد تک اضافہ کا امکان ہے۔

داخل کرایا جانیوالا مریض چار دن سے بیمار تھا اور اُسکے پلیٹ لیٹ 84اور ڈبلیو بی سی 4.6تھے جبکہ این ایس ون نیگٹو تھا۔ مریض کی آمد کے ساتھ ہی اسپتال انتظامیہ نے ہنگامی اقدامات شروع کر دیئے ہیں۔

ماہرین کا کہنا ہے کہ ضلعی انتظامیہ کو ڈینگی کے خلاف فوری اقدامات کرنا ہونگے۔