ایمز ٹی وی(تہران )امریکی صدر ڈونلڈٹرمپ کی دھمکیاں کام نہ آئیں ، ایران نے دوسرے جوہری میزائل کا تجربہ کرنے کی تیاری شروع کردی۔
دی ٹائمز آف اسرائیل کے مطابق ایران نے بلیسٹک میزائل کے فوری بعد جوہری ہتھیار لے جانے والے کروز میزائل کی تیاری شروع کردی ہے جس کاتجربہ عنقریب کیا جا ئے گا۔ ایران کے اس اقدام پر امریکا اور اسرائیل کی جانب سے شدید تنقید کی جا رہی ہے۔
جرمن جریدے ڈائی ویلٹ کی ایک خالیہ رپورٹ میں بتایا گیا ہے کہ مارچ2015ءمیں منظر عام پر آنے والے اس سومار میزائل راکٹ کا پہلا تجربہ جلد کیا جائے گا ۔یہ رپورٹ وائٹ ہاﺅس کے اس بیان کے ایک روز بعد شائع کی گئی ہے جس میں کہا گیا تھا کہ بلیسٹک میزائل کے تجربے کے بعد ایران کو انتباہ جاری کی گئی ہے کیونکہ ایران ایسا کر کے اقوام متحدہ کی سیکیورٹی کونسل کی قرارداد کی خلاف ورزیاں کر رہا ہے۔
جرمن رپورٹ میں کہا گیا ہے کہ سومار میزائل 3ہزار کلو میٹر(1864میل )کی رینج تک مار کرنے اور 6سو کلو میٹر (373میل) کی اونچائی تک جانے کی صلاحیت رکھتا ہے ۔
راکٹ کے بارے میں یہ بھی کہا گیا ہے کہ یہ روس کے کے ایچ 55کروز میزائل کے نظام کو مزید بہتر کر کے بنایا گیا ہے جو ایران سے اسرائیل تک مار کرنے اور بحری جہاز کے ساتھ ساتھ ہوائی جہاز اور آبدوز سے بھی لانچ ہونے کی صلاحیت رکھتا ہے ۔
یاد رہے اتوار کے روز ہی ایران نے 4ہزار کلو میٹر تک مار کرنے والے بلیسٹک میزائل کا کامیاب تجربہ کیا تھا جس پر امریکا اور اسرائیل کی جانب سے فوری اور شدید ردعمل سامنے آیا تھا