ایمز ٹی وی(واشنگٹن) وائٹ ہاﺅس کے ترجمانشان اسپائسر نے کہاہے کہ صدرٹرمپ نے مزید تین نئے ایگزیکٹو آرڈرز پر دستخط کردیئے ہیں،ڈونلڈ ٹرمپ نے تارکین وطن کی غیر قانونی آمد،منشیات کی روک تھام اور جرائم کے خاتمے کا حکم دیاہے
۔صدر نے افغان ہم منصب اشرف غنی اور قطری امیر سے بھی ٹیلیفون پر گفتگو کی۔شان اسپائسر کا کہنا تھاکہ صدر ڈونلڈ ٹرمپ نے پہلے ایگزیکٹو آرڈر میں اٹارنی جنرل جیف سیشن کو حکم دیاکہ وہ قانون نافذ کرنے والے اداروں کے اہلکاروں کو تحفظ فراہم کرنے،منشیات کی اسمگلنگ روکنے اور غیر قانونی تارکین وطن کی آمد روکنے کیلئے حکمت عملی بنائیں۔
وہ واشنگٹن میں میڈیا کو بریفنگ دے رہے تھے۔ وائٹ ہاوس کے ترجمان نے کہاکہ صدر ٹرمپ غیر قانونی تارکین وطن کی آمد روکنے کے ساتھ تیسرے ایگزیکٹو آرڈر میں جیف سیشن کو حکم دیاکہ وہ ملک سے جرائم کا خاتمہ کریں۔ترجمان نے بتایا کہ ڈونلڈ ٹرمپ نے افغان ہم منصب اشرف غنی سے ٹیلیفون پر گفتگو کرکے دہشتگردی کے خاتمے،امن و امان کی صورتحال اور نیٹو فوج کے کردار سے متعلق تبادلہ خیال کیا ۔ انہوں نے قطر کے امیر اور عراقی وزیراعظم سے بھی ٹیلیفون پر بات چیت کی