ایمز ٹی وی (صحت /پشاور) صوبائی دارالحکومت پشاور میں جعلی ڈاکٹروں کی جانب سے نجی کلینکس چلانے کے خلاف کریک ڈائون شروع کردیا گیا ،ہیلتھ کئیر کمیشن (ایچ سی سی) نے پشاور کے علاقوں چمکنی اور پجگی روڈ پر کارروائی کرتے ہوئے 10 کلینکس کو سیل کردیا جبکہ 15 کو نوٹسز جاری کردئیے گئے۔ ہیلتھ کئیر کمیشن کےسینئر انسپکٹر مرزا شفقت جاوید کے مطابق کہ پجگی روڈ پر مادر میٹرنٹی سنٹر ، چمکنی میڈیکل سنٹراور امان ہیلتھ کلینک کو کئی سال سےجعلی ڈاکٹرز چلارہے تھےجبکہ احسن میٹرنٹی ہوم، امین میٹرنٹی ہوم، عباداللہ میٹرنٹی ہوم، آمین میڈیکل سنٹر اورالشفاء میڈیکل سنٹراینڈ میٹرنٹی ہوم کو جعلی ڈاکٹر ہونے کے باعث سیل کردیا گیا ۔اسی طرح 15 نجی کلینکس کو دستاویزات پورا نہ ہونے پر نوٹسز جاری کردئیے گئے۔