ایمز ٹی وی(لاہور) پنجاب میں داخلے پر پابندی کے باوجود لاہور آنے والے سنی تحریک کے سربراہ ثروت اعجاز قادری کوحراست میں لیکر کراچی روانہ کردیا گیا ۔
پولیس نے سنی تحریک کے سربراہ ثروت اعجاز قادری کو داتا دربار کے قریب سے حراست میں لیکر کراچی روانہ کر دیا ہے ۔ پنجاب حکومت نے ثروت اعجاز قادری پر پنجاب میں داخلے کے حوالے سے پابندی لگا رکھی ہے ۔
پولیس حکام کا کہنا ہے کہ ثروت اعجاز قادری کو فول پروف سیکیورٹی کے ساتھ لاہور ایئر پورٹ منتقل کیا گیا اور جہاز تک پولیس کے افسران انکے ہمراہ رہے ۔
یادرہے گزشتہ سال پاکستان سنی تحریک کے صدر ثروت اعجاز قادری کے پنجاب میں داخلے پر پابندی عائد کی گئی تھی