ایمز ٹی وی(نئی دہلی) بھارت میں ”شری گرو رام داس جی انٹرنیشنل ایئر پورٹ “پر بم کی اطلاع موصول ہوئی ہے جس کے بعد ایئر پورٹ کو خالی کرا لیا گیا ۔ شری گرورام داس جی انٹرنیشنل ایئر پورٹ کی پارکنگ سے مشکوک بیگ برآمد ہوا جس کے بعد ایئر پورٹ کے احاطے میں بم کا شبہ ظاہر کیا جا رہا ہے تاہم اس کے بعد ایئرپورٹ کو خالی کرا کے سرچ آپریشن جاری ہے اور پروازوں کی آمدورفت معطل ہے ۔ ایئر پورٹ حکام نے بم ڈسپوزل سکواڈ کے عملے کو طلب کر لیا ہے جو بریف کیس کا معائنہ کر نے میں مصروف ہیں اور ایئر پورٹ کے احاطے کی بھی تلاشی لی جا رہی ہے اور مسافروں کے سامان کی تلاشی بھی جاری ہے ۔