ایمز ٹی وی(گوجرانوالہ) گوجرانوالہ میں ایک اور بیٹی معاشرتی جبر کا نشانہ بن گئی۔ ساس اور نند نے پٹرول چھڑک کر خاتون کو آگ لگا دی۔ متاثرہ خاتون تشویشناک حالت میں لاہور منتقل کردی گئی۔ گوجرانوالہ کے علاقے باسی والامیں ساس اورنند نے مبینہ طورپرپٹرول چھڑک کربہوکوآگ لگادی۔متاثرہ خاتون کے جسم کا50فیصد سے زائد حصہ جھلس گیاہے جسے تشویشناک حالت میں ڈی ایچ کیوہسپتال گوجرانوالہ سے لاہورکے اسپتال روانہ کردیاگیاہے۔ پولیس کا کہنا ہے کہ خاتون کی 2سال قبل شادی ہوئی تھی۔ متاثرہ خاتون پر پٹرول چھڑک کر آگ لگانے والی ملزمہ ساس اورنند کےخلاف کارروائی کی جا رہی ہے