ایمز ٹی وی(لاہور) پیپلزپارٹی کے رہنما قمر زمان کائرہ نے کہا ہے کہ ن لیگ تکنیکی کرپشن کا دوسران نام ہے ، حکومتی وزرا جو کل تک سائیکل پر سوار تھے وہ آج ارب پتی بن گئے ہیں ،ان کے پاس یہ پیسہ کہاں سے آرہا ہے ؟ وزیر اعلیٰ پنجاب میاں شہباز شریف کے خطاب کے ردعمل میں قمر زمان کائرہ کا کہنا تھا کہ شریف برادران نے جن میگاپراجیکٹس کا پور ے ملک میں شور مچایا ہو اہے وہ تمام منصوبے دراصل میگاکرپشن کا ذریعہ ہیں۔پانامہ کیس پاکستان کی تاریخ کا سب سے بڑا کرپشن سکینڈل ہے۔ اس وقت بھی مسلم لیگ ن کرپشن کا راگ الاپ رہی ہے، مگرنہ جانے کتنے کھرب روپے بیرون ملک منتقل کر رہی ہے، آج کے غبن اگلے سالوں میں عوام کے سامنے آئیں گے۔آخر میں انہوں نے وزیرداخلہ چودھری نثار کو مخاطب کرتے ہوئے کہا کہ آصف زرداری کو چائے پلانے والے کبھی خواجہ آصف کو چائے پر بلائیں ۔وزیرداخلہ چکری سے خود الیکشن ہارے ہوئے ہیں ،دوسروں کو چھوڑیں اور اپنی ضمانت کی فکر کریں۔
