ایمز ٹی وی(سکھر) قائد حزب اختلاف خورشید شاہ نے کہا ہے کہ میاں صاحب ریاستی ستونوں کو کمزور کر رہے ہیں،حکمراں جماعت لاہور کو ہی پاکستان سمجھی بیٹھی ہے۔ پیپلزپارٹی پنجاب میں آگئی ہے اورمخالفین کو ڈرہے کہ ان کی ضمانتیں ضبط نہ ہوجائیں جبکہ گوادر میں لوگوں کے پاس پینے کا پانی نہیں ہے۔ ہم پر تو الزام ہے فرینڈلی سیاست کرتے ہیں، آصف زرداری نے کہاتھا حکمراں جماعت کو4سال سیاست کاموقع دینگے لیکن پاکستان میں ابھی تک لوڈشیڈنگ ختم نہیں ہوئی مگر ہم نے اپنے تمام وعدے پورے کیے۔انہوں نے کہا کہ ہم پرالزام ہے موٹروے نہیں بنائی،ہمیں بتائیں کہ ہم کیسے بناتے؟ عالمی معاشی بحران تھا،جبکہ ہم نے این ایف سی ایوارڈ دیا،پینشن بڑھائی۔ 2010،2011میں سیلاب آیا، پورے طریقے سے کا م کاموقع نہیں ملا،حکمراں جماعت نے سکیموں کے نام پر لوگوں کو بے وقوف بنایااورسپرہائی وے کی لین بڑھاکر موٹروے کانام دیاگیالیکن اب عوام کو ڈراموں کا اندازہ ہوگیاہے ۔
