ایمز ٹی وی(اسپورٹس) فن لینڈ میں ورلڈ فگر اسکیٹنگ چیمپئن شپ کے ایونٹ کا انعقاد کیا گیا ہے۔ دنیا بھر سے شریک کھلاڑیوں نے مہارت کاشاندار مظاہرہ کرکے دیکھنے والوں کو حیران کردیا ہے۔
فن لینڈ کے دار الحکومت ہلسنکی (Helsinki)میں ورلڈ فگر اسکیٹنگ(Figure Skating) چیمپئن شپ کا انعقاد کیا گیا۔
رواں سال اس چیمپئین شپ میں43مختلف ممالک سے فگر اسکیٹنگ میں مہارت رکھنے والے سینکڑوں کھلاڑیوں نے ٹیموں اور انفرادی حیثیت میں حصہ لیا اور اپنے فن کا مظا ہر ہ پیش کیا۔
اس دلچسپ چیمپئین شپ میں دنیا بھر سے شرکت کرنے والے ماہر خواتین و مرد اسکیٹرز نے مختلف کیٹیگریز میں اپنے فن کا مظاہرہ کرکے دیکھنے والوں کو حیران کردیا۔
ایونٹ کے دوران مختلف کیٹیگریز میں شاندار مہارت کا مظاہرہ کرنے والے کھلاڑیوں کو میڈلز اور انعامات دیئے گئے ہیں۔