ایمزٹی وی(اسپورٹس)پاکستان کی جانب سے ناقابل شکست 125 رنزکی اننگز کھیلنے والے بیٹسمین بابر اعظم نے کہا ہے کہ جس نمبرپر ٹیم کوضرورت ہوبیٹنگ کرتا ہوں۔بابر اعظم نے کہا کہ اللہ کاشکراداکرتاہوں کہ ٹیم کامیاب ہوئی، پے درپے وکٹیں گررہی تھیں،بیٹنگ پرفوکس رکھا اور کامیابی ملی۔ انہوں نے مزید کہا کہ آخر تک بیٹنگ کرنےکی کوشش کی اوربہتر نتائج ملے۔ بابر اعظم نے 125 رنز بنائے، انہوں نے 3 چھکے اور 7 چوکے لگائے اور ناٹ آوٹ رہے ، وہ مین آف دی میچ قرار پائے۔واضح رہے کہ عمر اکمل کو ٹیم مینجمنٹ اور کپتان سے ہمیشہ یہ گلہ رہا ہے کہ انہیں درست نمبر پر نہیں بھیجا جاتا ۔اس حوالے سے عمر اکمل کئی بار میڈ یا پر بھی اپنے تحفظات کا اظہار کرتے رہے ہیں ،بھارت کے ساتھ آخری ٹی ٹوئنٹی میچ کھیلنے سے پہلے بھی عمر اکمل نے عمران خان سے ملاقات کر کے خاص طور پر اپنے بیٹنگ نمبر کے بارے میں تحفظات کا اظہار کیا تھا ۔