وی(انٹرٹینمنٹ)دنیابھر میں اپنی گلوکاری سے شہرت پانے والے پاکستان کے معروف گلوکار عاطف اسلم 'لکس اسٹائل ایوارڈز 2017 'میں میزبانی کے فرائض انجام دیں گے، یہ ان کی کسی بھی ایوارڈ میںپہلی بار میزبانی ہوگی۔ اس بات کااعلان میڈیاسے خصوصی ملاقات کے دوران معروف ڈیزائینر اور ایوارڈز کے ڈائیریکٹر حسن شہریار یاسین کے 'ایچ ایس وائے مینشن 'میں کیا گیا۔ حسن شہریار یاسین نے بتایا کہ گزشتہ ایوارڈز کے برعکس اس مرتبہ ایوارڈز کا اہتمام کافی بڑے پیمانے پر کیا جا رہا ہے اور پہلی بار دو اسٹیج نصب کئے گئے ہیں، ایک فرنٹ اسٹیج جبکہ دوسرا آڈینس کے درمیان بنایا گیا ہے تاکہ پہلی نشست نہ ملنے کی شکایت کو دور کیا جا سکے۔ میزبانی کے حوالے سے اپنی خوشی کا اظہار کرتے ہوئے عاطف اسلم کا کہنا تھا کہ میزبانی کرنے پر بہت پر جوش ہوں، اپنے پر ستاروں اور مداحوںکو انٹرٹین کرنے کی بھر پور کوشش کروں گا اور ایک نئے انداز میں نظر آونگا جو کہ امید ہے کہ انہیں پسند آئے گا۔