ایمز ٹی وی(انٹرٹینمنٹ) مقبول پاکستانی گلوکارہ حمیرا ارشد اس وقت اپنے نئے البم کی ریلیز کا انتظار کررہی ہیں جس میں اردو اور پنجابی دونوں ہی زبانوں کے گانے شامل ہیں اور وہ بہت جلد پہلی مرتبہ کوک اسٹوڈیو میں بھی پرفارم کریں گی۔ حمیرا ارشد پاپ، لوک، کلاسیکی اور غزلیں گائیکی کی ماہر ہیں۔ حمیرا ارشد نے بتایا ’میں اپنی چوتھی البم کی تیاری میں مصروف ہوں، جو چند ماہ میں نجی چینلز پر ریلیز کردی جائے گی‘۔ اس البم میں شامل گانوں کو متعدد شاعروں نے تحریر کیا، جنہیں کمپوز سجی اور کامران نے کیا ہے، البم میں موجود تمام گانوں کی ویڈیوز بھی موجود ہوں گی۔ کوک اسٹوڈیو میں شرکت کے سوال پر حمیرا ارشد نے کہا کہ وہ اس پلیٹ فارم پر پہلی مرتبہ پرفارم کریں گی۔ واضح رہے کہ حمیرا ارشد گلوکارہ رونا لیلا کے مقبول گانے گائیں گی۔ انہوں نے کہا ’میں اس وقت یہ تو نہیں بتا سکتی کہ میں نے کون سے گانوں کا انتخاب کیا ہے، بس یہ کہوں گی کہ میں کلاسیکی گانے گاؤں گی‘۔ انہوں نے مزید کہا کہ ’کوک اسٹوڈیو کے علاوہ ہمارے پاس کم مواقع دستیاب ہیں، کوک اسٹوڈیو بہترین کام کررہا ہے.