ایمز ٹی وی ( انٹر ٹینمنٹ ڈیسک ) کراچی میں لکس اسٹائل ایوارڈز کی تقریب میں فلم، فیشن، ٹی وی کے بڑے ستاروںکی محفل سجی توعاطف اسلم نے اپنی شاندار پر فارمنس مرحوم جنید جمشیدکے نام کر دی۔ پاکستانی ٹیلنٹ کی بہترین کارکردگی کے نام ایوارڈ کا یہ پلیٹ فارم اپنی نوعیت کا سب سے اہم اور پرانا ہے۔ 2002 سے جاری لکس اسٹائل ایوارڈز کے اس سولہویں سال میں ہدایت کار، میزبان اور کئی حوالوں سے کچھ ہٹ کر اور نیا کرنے کی کوشش کی گئی ہے۔ گزرے سال کی بہترین پر فارمنس پر مبنی اس بارتقریباً 30 کیٹگریز شامل ہیں۔
موسیقی کے بڑے ونرز میں قرۃ العین بلوچ، حمزہ اکرم قوال اورعزیر جسوال کے نام شامل ہیں۔ حسنین لہری صدف کنول کو بہترین ماڈلز، صائمہ رشید کو بہترین میک اپ آرٹسٹ کے ایوارڈ ملنے کے علاوہ فیشن کا سب سے اہم ایوارڈ لائف ٹائم ایچیومنٹ کے طور پر اسٹائل کی دنیا کے گرو اور لیجنڈ آرٹسٹ طارق امین کو نوازا گیا۔ فلم ’ہو من جہاں‘ کے لئے اداکارہ ماہرہ کے نام بہترین اداکارہ کا ایوارڈ سمیت فلم کے شعبے کے تینوں بڑے ایوارڈ فلم’ ایکٹر ان لا‘ کو دیئے گئے۔
لکس اسٹائل ایوارڈ کی تقریب کا اختتام عاطف اسلم کی جنید جمشید کے نام ٹربیوٹ پرفارمنس پر کیا گیا۔ فیشن ، فلم، موسیقی اور ٹیلی ویڑن کے لئے بہترین کارکردگی کے اعتراف میں سجی یہ رنگا رنگ تقریب آئندہ ماہ جیو پر نشر کی جائے گی۔