ایمزٹی وی(صحت) ورلڈ نرسز ڈے کے موقع پر گزشتہ روز پاکستان نرسز فورم کے تعاون سے منعقدہ تقریب سے خطاب کر تے ہوئے کمشنر کراچی اعجازاحمد خان نے کہا ہے کہ حکومت نرسنگ شعبہ کی ترقی کے لئے ہر ممکنہ اقدامات کر رہی ہے حکومت اور معاشرہ صحت کے شعبہ میں نرسوں کی خدمات کو قدر کی نگاہ سے دیکھتا ہے۔
اس موقع پر کمشنر نے مختلف اسپتالوں کی شریک نرسوں میں شیلڈز اور اسناد تقسیم کیں۔اس موقع پر ایڈیشنل کمشنر کراچی فرحان غنی، پاکستان نرسز فورم کے چیئر مین سلیم مائکل ، جزل سیکریٹری سرفراز آصف، سرپرست ندیم شیخ، خازن مشعل عنایت ، نرسنگ فورم کے بورڈ آف ڈائریکڑز کی ارکان، نسرین مائکل،اور ہلال احمر کے نمائندے میونسپل ورکرز ٹریڈ یونین الائنس کے صدر ذوالفقار شاہ بھی مو جو د تھے۔