ایمزٹی وی (تجارت)وفاقی وزیرخزانہ اسحاق ڈار نے کہاہے کہ پاکستان سرمایہ کاری کے لیئے بہترین ملک ہے ،اور اقتصادی اصلاحات کے باعث بیرونی سرمایہ کاروں کے لیئے پر کشش ملک بن گیا ہے۔
تفصیلا ت کے مطابق اسلام آباد میں اسحاق ڈار نے جاپان کے لئیے نامزدسفیر ڈاکٹر اسد مجیدسے ملاقات کی ، جس میں وفاقی وزیر نے اس بات پر زور دیا کہا کہ اپنی تمام تر توانائیاں بروئے کا ر لاتے ہوئے بیرونی سرمایہ کاری کو پاکستان میں منتقل کریں ،کیونکہ پاکستان غیر ملکی سرمایہ کاری کے لئے بہترین ملک ہے۔ان کا مزید کہنا تھا کہ جاپان پاکستان تعلقات دہائیوں پر مشتمل ہیں اور پاکستان کو اس کا صیحح معنوں میں فائدہ اٹھانا چاہیے۔