ایمز ٹی وی (اسپورٹس )آئی سی سی ویمنر ورلڈ کپ میں ناکامی کے بعد پاکستان ویمن کرکٹ ٹیم وطن واپس پہنچ گئی۔ائیر پورٹ پرکھلاڑیوں کے استقبال کے لیے پی سی بی کا کوئی بھی نمائندہ موجود نہ تھا۔ ایک کھلاڑی اپنے والد کے ساتھ موٹرسائیکل پرگھرروانہ ہوئی۔ ورلڈکپ میں بدترین کارکردگی کے ساتھ ساتوں میچز میں شکست کے بعد ویمنز ٹیم خالی ہاتھ وطن لوٹ آئی۔ٹیم ایونٹ میں ایک بھی میچ نہ جیت سکی۔
پاکستان ویمن کرکٹ ٹیم وطن واپس پہنچی تو لاہور ائیرپورٹ پر پی سی بی کا کوئی نمائندہ ان کے استقبال کے لیے نہیں دکھائی دیا۔خواتین کھلاڑیوں کے لئے ٹرانسپورٹ کا بھی کوئی انتظام نہیں کیا گیاتھا۔ ناشرا سندھو کو والد کے ساتھ موٹر سائیکل پرہی گھرجانا پڑا۔ کپتان ثنا میر اور نین عابدی وطن واپس نہیں آئیں، دیگر خواتین کھلاڑی اپنے اہل خانہ کے ہمراہ گھروں کوروانہ ہوگئیں۔