ایمز ٹی وی(لاہور) وکلا ءتنظیموں نے لاہور بم دھماکے کے خلاف آج بروز منگل ہڑتال کا اعلان کردیا۔ اس سلسلے میں لاہور ہائی کورٹ بار ایسوسی ایشن نے آج لاہور بم دھماکے کے خلاف جنرل ہاؤس کا مذمتی اجلاس بھی طلب کر لیا ۔ وکلاءلاہور بم دھماکے کے خلاف بطور احتجاج یوم سیاہ منائیں گے اور عدالتوں کا بائیکاٹ کرینگے، بار رومز پر سیاہ پرچم لہرائے جائیں گے۔
وکلاءرہنماؤں احسن بھون، چوہدری ذوالفقار علی، محمد رمضان چوہدری، عامر سعید راں، عامر شاہین ملک سمیت دیگر وکلاءنے لاہور بم دھماکے کی پرزور الفاظ میں مذمت کرتے ہوئے کہا ہے کہ دہشتگردی کی اسطرح کی بز دلانہ کارروائیوں سے ہمارے حوصلے پست نہیں ہونگے۔ انہوں نے شہید ہونے والے شہریوں کے لواحقین سے اظہار افسوس اور زخمیوں کے ساتھ اظہار ہمدردی کیا ہے۔