ایمز ٹی وی(تعلیم) جامعہ کراچی کے دفتر مشیر امور طلبہ کی جانب سے 70 ویں یوم آزادی کی مناسبت سے کُل کراچی بین الجامعاتی مقابلوں کا انعقاد کیا جارہاہے۔مشیر امورطلبہ جامعہ کراچی سید عاصم علی کے مطابق تین مقابلوں کا انعقاد کیا جائے گا جن میں تقریری وبحث ومباحثہ ،کوئز اور ملی نغموں کا مقابلہ شامل ہیں جو ساتھ 07 تا09 اگست 2017 ء جامعہ کراچی کے ایچ ای جے آڈیٹوریم میں منعقد ہوں گے۔

مقابلوں کے ابتدائی مراحل 07 اور08 اگست جبکہ اختتامی مرحلہ 09 اگست کو منعقد ہوگا۔مقابلوں کی اختتامی اور انعامات کے تقسیم کی تقریب بروزبدھ 09 اگست 2017 ء کو صبح 11:45 بجے منعقد ہوگی جس کی صدارت شیخ الجامعہ پروفیسر ڈاکٹر محمد اجمل خان کریں گے ۔ڈائریکٹر جنرل سندھ رینجرز میجر جنرل محمد سعید تقریب کے مہمان خصوصی ہوں گے۔