ایمزٹی وی(تعلیم/ سندھ)گورنر سندھ محمد زبیر نے کھارادر جنرل اسپتال کا دورہ کیا ، اسپتال میں موجود مختلف شعبہ جات کا معائنہ کیا اور مریضوں سے علاج معالجہ کی سہولیات کے بارے میں دریافت کیا۔
اس موقع پر اسپتال کے صدر بشیر جان محمد ،مینجمنٹ کمیٹی کے سربراہ اور معروف ماہر امراض اطفال پروفیسر عبدالغفار بلو،اسپتال کے سی ای او ڈاکٹر خالد اقبال صنعت کار عارف حبیب بھی موجود تھے۔ گورنر سندھ نے کہا کہ کراچی کے قدیم علاقہ میں رعایتی فیس پر طبی خدمات کی فراہمی کھارادر جنرل اسپتال کا قابل تحسین اقدام ہے ۔
اس موقع پر اسپتال کے سی ای او ڈاکٹر خالد اقبال نے گورنرسندھ کو اسپتال کی تاریخ، فراہم کی جانے والی سہولیات اور مستقبل میں توسیع کے منصوبوں کے بارے میں تفصیلی بریفنگ دی۔