یمز ٹی وی(لاہور )پاکستان انڈر 19 کرکٹ ٹیم کا دوسرا وارم اپ میچ بارش کی نذر ہوگیا۔ پاکستان اور بنگلہ دیش کی ٹیموں کے درمیان میچ میں ایک بھی گیند کا کھیل نہ ہو سکا۔کرائسٹ چر چ میں شدید بارش کے باعث آئی سی سی انڈر 19 کرکٹ ورلڈ کپ کے میچز متاثر ہوئے ہیں۔ پاکستان اور بنگلہ دیش کی ٹیموں کے درمیان میچ میں شدید بارش کے باعث ایک بھی گیند کا کھیل نہ ہوسکا۔ بارش اس قدر شدید تھی کہ ٹیمیں ہوٹل سے اسٹیڈیم بھی نہ جاسکیں۔پہلے وارم اپ میچ میں پاکستان نے نمیبیا کو شکست دی تھی۔

کوچ منصور رانا کا کہنا ہے کہ کھلاڑی فٹ ہیں اور ورلڈ کپ میں اچھا پرفارم کرنے کے لیئے پر عزم ہیں۔پاکستان انڈر 19 کرکٹ ٹیم آج کرائسٹ چرچ سے وھانگری جائے گی جہاں ورلڈ کپ کا پہلا میچ 13 جنوری کو افغانستان کے خلاف کھیلے گی۔