کراچی: جامعہ کراچی کے وائس چانسلر ڈاکٹر خالد محمود عراقی نےپروفیسر انعام باری کی وفات پر دلی تعزیت کا اظہار کیا ہے
تفصیلات کے مطابق جامعہ کراچی کے وائس چانسلر پروفیسر ڈاکٹر خالد محمود عراقی نے شعبہ ابلاغ عامہ جامعہ کراچی کے سابق پروفیسر اور سابق چیئر مین پیمرا شکایات کونسل سندھ پروفیسر انعام باری کی وفات پر دلی تعزیت کا اظہار کرتے ہوئے کہا کہ مرحوم کی شعبہ ابلاغ عامہ جامعہ کراچی کی ترقی کے لئے کی جانے والی کاوشوں کوہمیشہ یادرکھا جائے گا۔دعا ہے کہ اللہ تعالیٰ مرحوم کے درجات بلند فرمائے اور پسماند گان کو صبر جمیل عطاکرے