کراچی: اعلیٰ ثانوی تعلیمی بورڈ کراچی کی جانب سے الحاق شدہ تمام سرکاری و نجی کالجوں اور ہائیرسیکنڈری اسکولوں کو مطلع کیا جاتا ہے کہ انٹرمیڈیٹ حصہ اول، حصہ دوم (فریش، فیلیئر) کے سالانہ امتحانات برائے 2024ء کے آرٹس ریگولر گروپ کے عملی امتحانات 15 اگست2024 ء سے 31 اگست 2024ء تک ہوں گے۔

انٹربورڈ کی جانب سے طالب علموں کو ہدایت کی گئی ہے کہ وہ عملی امتحانات کا پروگرام 15 اگست سے پہلے اپنے کالجوں سے حاصل کرلیں۔

تمام پرائیویٹ امیدوار، ایڈیشنل سبجیکٹ، امپروومنٹ آف ڈویژن، شارٹ سبجیکٹ، بارہ پرچے (T.P)، اسپیشل چانس کے امیدوار عملی امتحانات اپنے سابقہ کالجوں میں ہی دیں گے۔