ایمزٹی وی(اسلام آباد) دنیا میں موسمیاتی تبدیلی کے منفی اثرات سے متاثرہ ملکوں میں پاکستان کا آٹھواں نمبر ہے جبکہ پاک چائنہ اقتصادی راہداری منصوبوں پر کام کی رفتار میں تیزی کے بعد ملک کی ماحولیاتی اور موسمی صورتحال پر مزید منفی اثرات پڑنے کا خدشہ پیدا ہوچکا ہے۔ وفاقی حکومت سمیت تمام صوبے چائنہ پاکستان اقتصادی راہداری سے زیادہ سے زیادہ اقتصادی اور مالی فوائد حاصل کرنے کیلئے ایک دوسرے سے لڑ نے جھگڑنے پر تیار ہیں لیکن وفاقی حکومت، متعلقہ وزارت موسمیاتی تبدیلی اور کوئی بھی صوبہ چائنہ پاکستان اقتصادی راہداری منصوبہ کے ملک کی ماحولیات اور موسمیات پر پڑنے والے منفی اثرات سے نہ صرف لا علم ہیں بلکہ اس منصوبہ کے تحت اہم پروجکٹس پر کام شروع کرنے سے قبل لازمی ماحولیاتی اسسمنٹ رپورٹ جمع کرانے سے بھی بے خبر ہیں۔