ایمزٹی وی (تعلیم)جناح یونیورسٹی برائے خواتین میں شعبہ ابلاغ عامہ کے تحت موثر ابلاغ کے عنوان پر سیمینار کا انعقاد کیا گیا۔ سیمینار میں مبشر زیدی،وسیم بادامی اور تہمینہ خالد نے بطور مہمان خصوصی شرکت کی۔ سیمینار کا مقصد طالبات کو موثر ابلاغ کی اہمیت اور مہارت سے آگاہ کرنا تھا۔اس موقع پر تہمینہ خالد کا کہنا تھا کہ موثر ابلاغ کے لیے تین چیزیں بہت ضروری ہیں جن میں پڑھنے کی عادت، زبان پر عبور اور تحقیق شامل ہیں۔انہوں نے کہا کہ ہماری نوجوان نسل کا سب سے بڑا مسئلہ کتابوں سے دوری ہے ۔