ایمزٹی وی (تعلیم)اعلیٰ ثانوی تعلیمی بورڈ کراچی کو صوبہ سندھ میں پہلے لوڈشیڈنگ فری تعلیمی بورڈ بننے کا اعزاز حاصل ہوگیا ۔ تفصیلات کے مطابق انٹربورڈ کو لوڈشیڈنگ فری زون بنانے کیلئے کے-الیکٹرک اعلیٰ ثانوی تعلیمی بورڈ کے چیئرمین محمد اختر غوری سب اسٹیشن کا افتتاح آج شام6 بجے کریں گے ۔ اعلیٰ ثانوی تعلیمی بورڈ میں ہونے والی اس اہم پیش رفت پر چیئرمین انٹرمیڈیٹ بورڈ محمد اختر غوری اور کے الیکٹرک کے اعلیٰ حکام کے مابین ایک طویل مشاورتی سلسلہ چلا جس کے نتیجے میں مذکورہ سب اسٹیشن بنانے پر اتفاق ہوا۔ لوڈشیڈنگ فری زون بننے کے بعد اعلیٰ ثانوی تعلیمی بورڈ میں ہونے والے جنریٹر اور ڈیزل کے اخراجات میں بڑی بچت ہوگی اور ساتھ ہی بجلی کی بلاتعطل فراہمی سے بورڈ ملازمین کی کارکردگی میں بھی اضافہ ہوگا۔