ایمزٹی وی( انٹرنیشنل) غیر ملکی میڈیا نے دعویٰ کیا ہے کہ شام میں امریکی فضائی حملے کے دوران شدت پسند تنظیم دولت اسلامیہ عراق و شام (داعش) کا سربراہ ابوبکر البغدادی ہلاک ہو گیا ہے۔ واضح رہے کہ امریکہ کی جانب سے یہ اقدام اورلینڈو کے نائٹ کلب میں 50 افراد کی ہلاکت کے بعد سامنے آیا ہے۔ دہشتگردی کے اس حملے میں ملوث افغان نژاد امریکی عمر متین نے دعویٰ کیا تھا کہ اس کا تعلق داعش کے ساتھ ہے۔ اگر یہ خبر درست ہے تو اس سے اس کی تنظیم کو بہت نقصان ہوگا۔ تاہم ابھی تک امریکی حکومت یا فوج کی جانب سے اس خبر کی تصدیق نہیں کی گئی ہے۔ اس سے پہلے خبریں تھیں کہ گزشتہ دنوں الرقہ میں امریکی فضائیہ کی بمباری کے دوران ابوبکر البغدادی شدید زخمی ہو چکا ہے۔ واضح رہے کہ اس سے قبل بھی ابوبکر البغدادی پر فضائی حملوں کی خبریں میڈیا پر آتی رہی ہیں لیکن کبھی بھی اس کی تصدیق نہیں ہو سکی۔