کراچی: این ای ڈی یونیورسٹی کےتحت دومفاہمتی یاداشت پردستخط کئےگئے. 

پہلامفاہمتی یاداشت پردستخط جامعہ این ای ڈی اور بلوچستان یونیورسٹی آف انفارمیشن ٹیکنالوجی اورانجینئرنگ اینڈمینجمنٹ سائنسزکوئٹہ کےمابین آرٹیفیشل انٹیلیجنس جبکہ دوسری جانب این ای ڈی اورنیشنل فوڈفارہیلتھ اینڈانوائرمنٹ کےمابین STEM Education پردستخط کئےگئے. 

اس موقع پرشیخ الجامعہ ڈاکٹرسروش حشمت لودھی کاکہناتھاکہ ان یاداشتوں کےذریعےجامعہ کےروابط دوسری جامعات سمیت دیگرصنعتوں سےہوناہماری طالبعلموں سمیت تعلیم کےلئےسودمندہیں. 

اس موقع پرمہمان خصوصی کاشکریہ اداکرتےہوئےپرووائس چانسلرپروفیسرمحمدطفیل نےٹیم کی کاوشوں کوسراہا. 

پروفیسرمحمدنعیم قریشی (پریزیڈنٹ این ایف ای ایچ)انجینئرندیم اشرف(وائس پریزیڈینٹ این ایف ای ایک) رجسٹرار سیدغضنفر حسین نقوی, ڈین فیکلٹی آف الیکٹریکل اینڈکمپیوٹرانجینئرنگ پروفیسرڈاکٹرسعدقاضی,ٹیکنیکل اسسٹنٹ ٹودی وائس چانسلر دانش الرحمان خان بھی اس موقع پرموجودتھے. 

کراچی: پاکستان کے معروف سائنسدان اور دانشور پروفیسر ڈاکٹر سلیم الزماں صدیقی کی27ویں برسی بدھ کو بین الاقوامی مرکز برائے کیمیائی و حیاتیاتی علوم (آئی سی سی بی ایس)، جامعہ کراچی میں منائی گئی۔

آئی سی سی بی ایس، جامعہ کراچی کے ترجمان کے مطابق ادارے کے سینئر اساتذہ اور اسٹاف نے معروف سائنسدان اور اُستاد کی قبر پر حاضری دی اور مرحوم کے ایصالِ ثواب کے لئے فاتحہ خوانی کی، جبکہ مرحوم کے ایصال ثواب کے لئے بین الاقوامی مرکزمیں خواتین و حضرات کے لئے قران خوانی کا بھی اہتمام کیا گیا۔

آئی سی سی بی ایس جامعہ کراچی کے سربراہ اور کامسٹیک کے کوارڈینیٹر جنرل پروفیسر ڈاکٹرمحمد اقبال چوہدری نے پروفسیر سلیم الزماں صدیقی کو خراجِ عقیدت پیش کرتے ہوئے کہا ہے کہ علمی حلقوں میں پروفیسر سلیم الزماں صدیقی طبعی اور سماجی علوم میں یکساں طور پر معتبر سمجھے گئے، وہ نہ صرف ایک معتبر سائنسدان بلکہ مستند مصور، شاعر، نقاد، فلسفی اور سائنسی مفکر بھی تھے۔ انہوں نے کہا ڈاکٹر سلیم الزماں صدیقی نے ہی معروف تحقیقی ادارے ایچ ای جے ریسرچ انسٹی ٹیوٹ آف کیمسٹری کی بنیاد جامعہ کراچی میں رکھی تھی۔

شیخ الجامعہ کراچی پروفیسر ڈاکٹر خالد محمود عراقی اور وزیر اعظم پاکستان کی قائم کردہ ٹاسک فورس برائے سائینس اور ٹیکنالوجی کے چیئرمین ا ور آئی سی سی بی ایس جامعہ کراچی کے سرپرستِ اعلیٰ پروفیسرڈاکٹر عطا الرحمن نے عظیم سائینسدان کو خراج عقیدت پیش کرتے ہوئے کہاہے کہ پاکستانی قوم پروفیسر سلیم الزماں صدیقی کی علمی و سائینسی خدمات کو ہمیشہ یاد رکھے گی۔

کراچی : سرسید یونیورسٹی آف انجینئرنگ ٹیکنالوجی کے شعبہ مرکزِ مشاورت ورہنمائی نے’’حکمت عملی اور اس کااطلاق کےموضوع پر دو روزہ ورکشاپ اورسمینارکاانعقاد کیا

جس میں سرسید یونیورسٹی کے المنائی، AUC کے بانی و چیف ایگزیکیٹو آفیسر،معروف بزنس ڈیویلپرو کنسلٹنٹ اسد اللہ چودھری نے زیرِ بحث موضوع پر سیرحاصل معلوماتی گفتگو کی ۔

شرکاء میں سرسید یونیورسٹی کے چانسلر جاوید انوار، وائس چانسلر پروفیسر ڈاکٹر ولی الدین، رجسٹرار سید سرفراز علی، شعبہ گائیڈنس سینٹر کے سراج خلجی، ڈین، سربراہانِ شعبہ جات و دیگر شامل تھے ۔

اس موقع پر بات کرتے ہوئے اسد اللہ چودھری نے کہا کہ 70 فیصد لوگ وژن اور مشن کے فرق کو نہیں سمجھتے ۔ انھوں نے بتایا کہ وژن ایک مقصد ہے جو آپ نے طے کیا ہے جب کہ مشن کا مطلب ہے کہ ہم کیا کرتے ہیں ۔ ان کا کہنا تھا کہ کارکردگی کا کم سے کم معیار مقرر کریں ۔

اصل چیز کام کرنا نہیں ہے بلکہ ٹھیک کام کرنا ہے ۔ انھوں نے تجویز پیش کی کہ سرسید یونیورسٹی اپنی تحقیق اور تیکنیکی مہارت دیگر اداروں کو فروخت کر کے بہت فائدہ اٹھا سکتی ہے ۔

وائس چانسلر پروفیسر ڈاکٹر ولی الدین نے کہا کہ مختلف اور نئی سوچ ہی آپ کو دیگر اداروں سے ممتاز کرتی ہے ۔ اختتام تقریب پر شرکاء میں سرٹیفیکٹس تقسیم کئے گئے اور اسد اللہ چودھری کو سرسید یونیورسٹی کا سونیئر پیش کیا گیا ۔

کراچی: آئی بی اے ہیڈ ماسٹرز کی درخواست پرسندھ ہائیکورٹ نے سیکریٹری تعلیم سے جواب طلب کرلیا

آئی بی اے ہیڈ ماسٹرز کو مستقل نہ کرنے کے خلاف گزشتہ روز سندھ ہائی کورٹ میں سماعت ہوئی۔

سماعتکےدوران عدالت نے ریمارکس میں کہا کہ بیچ کا راستہ نکالیں عدالت کو واضح پالیسی بتائیں، جب ان اساتذہ نے امتحان پاس کیا تو کیوں مستقل نہیں کیا جا رہا؟۔

سیکریٹری تعلیم کی جانب سے موقف اختیار کیا گیا کہ گریڈ 17 کی تعیناتی پبلک سروس کمیشن کی ذریعے ہوگی، سپریم کورٹ طے کرچکی ہے۔

جسٹس محمد علی مظہر نے ریمارکس میں کہا کہ ان ہیڈ ماسٹرز کو اب کیا کرنا ہے ، انہوں نے تو اپنا امتحان پاس کیا ہے۔

عدالت نے سیکریٹری تعلیم سے استفسار کیا کہ ان کو رکھنا ہے یا نہیں کوئی واضح پالیسی بتائیں۔

لاہور: پنجاب پبلک سروس کمیشن نے پرچے لیک سکینڈل کےحوالےسےاہم فیصلہ کرلیا ۔

مختلف شعبہ جات کے عہدوں کیلئے امتحانات دوبارہ لینے کا فیصلہ کرلیا گیا۔

پی پی ایس سی کے فل کمیشن کے فیصلے سے متعلق ایڈیشنل چیف سیکرٹری کو خط لکھا دیا گیا ہےجس میں پی پی ایس سی نے مختلف ڈیپارٹمنٹس کی مختلف پوسٹوں کیلئے امتحانات اور انٹرویوز دوبارہ لینے کا فیصلہ کرلیا ۔

مذکورہ پوسٹوں کیلئے نئے امیدواروں سے درخواستیں طلب نہیں کی جائیں گی ۔رجسٹرڈ امیدواروں کو فیس جمع کرانی ہوگی اور نہ ہی دوبارہ فارم ۔

،لیکچررزفزیکل ایجوکیشن، ، ڈپٹی اکاؤنٹ آفیسرکیمسٹری،فزکس ، اکنامکس، تاریخ, بیالوجی ،اسسٹنٹ ڈائریکٹر اور انسپکٹر اینٹی کرپشن، اسسٹنٹ پنجاب پولیس اور محکمہ زراعت میں ذیلدار کی پوسٹ کے لیے بھرتی کا عمل روک دیا گیا تھا۔

لاہور:پی ایس ٹی اور ای ایس ٹی ٹیچرز کی ان سروس پروموشن نہ کرنےپراسکول ایجوکیشن ڈیپارٹمنٹ نے نوٹس لے لیا

ڈی پی آئی آفس کی جانب سے جاری مراسلے میں کہا گیا ہے کہ مختلف ڈسٹرکٹس کیخلاف اساتذہ کو بروقت ان سروس پروموشن نہ دینے کی شکایات کا انبار لگا ہوا ہے۔

سسٹم پر ان سروس کوٹہ کی پوسٹوں کا بڑی تعداد میں خالی ہونااتھارٹیز کی نااہلی کا ثبوت ہے ۔

دوسری طرف اساتذہ کا کہنا ہے کہ ایک عرصے سے اس حوالے سے شکایات کی جارہی ہیں مگر شنوائی نہیں ہورہی ۔

کراچی: ڈائوانٹرنیشنل میڈیکل کالج اوجھاکیمپس میں نئےپرنسپل تعینات کردیئےگئے۔

شعبہ امراض زچہ و بچہ کی گریڈ 21 کی پروفیسرڈاکٹرفوزیہ پروین کوپرنسپل مقرر کردیا گیا ہے

تاہم ان کی تقرری کا نوٹیفکیشن رجسٹرار کی بجائے ڈائریکٹر ہیومن ریسورس نےجاری کیاہے۔

واضح رہے کہ اس سے قبل ریٹائرڈ پروفیسر اور اسٹے شدہ پرووائس چانسلر زرناز واحد پرنسپل کے عہدے پر تعینات تھیں تاہم عدالتی فیصلے کے باعث ان سے یہ ذمہ داری واپس لے لی گئی تھی۔

کراچی: کے الیکٹرک کے زیرِ اہتمام منعقدہ”کراچی ایوارڈز“کی کٹیگری سسٹینی بیلیٹی اینڈانوارمنٹ میں جامعہ این ای ڈی نےپہلاایوارڈحاصل کرلیا۔

ڈین الیکٹریکل اینڈ کمپیوٹر انجینئرنگ پروفیسر ڈاکٹر سعد قاضی کاکہنا تھا کہ ہم نے جامعہ میں ماحول دوست اقدامات اپنا کر انفرادی سطح پربتایا ہے کہ یہ اقدامات اجتماعی سطح پر بھی سود مند ہیںاور شہربھر کے مختلف اسکول کالجزاور ادروں کواس پروجیکٹ میں شامل کیا تاکہ اس کے بہتر اثرات تمام شہر پر مرتب ہوسکیں۔

اس موقعے پر شیخ الجامعہ پروفیسر ڈاکٹر سروش حشمت لودھی نے کے الیکٹرک کی اس کاوش کو سراہتے ہوئے بتایا کہ 2021 میں کاربن فُٹ پرنٹ کی تخفیف اور این ای ڈی یونی ورسٹی کے مکمل3 میگا واٹ پاور لوڈ کو بھی جلد سولر پر لے جاناہمارا اصل ہدف ہے۔

جامعہ ترجمان کے مطابق2021 جامعہ میں کاربن فُٹ پرنٹ کی تخفیف کے ذریعے، ہر جمعے مد ارتھ ڈے منایا جانا، جامعہ کو کاربن نیوٹرل بنانے کی کوششوں کے تحت سولرازیشن،متبادل ذرائع توانائی کی جانب رجحان کی منتقلی، میاواکی تکنیک کے استعمال کے ذریعے محدود جگہ پردس اربن فارسٹ کی تشکیل، آلودہ اور وضو کے پانی کی ری سائیکلنگ سمیت تھر موبیلٹی پروجیکٹ کی بنیاد پر این ای ڈی یونی ورسٹی نے یہ ایوارڈ حاصل کیا ہے۔

یاد رہے کہ سو ایکٹر پر محیط جامعہ این ای ڈی میں اس وقت آٹھ ہزار سے زائد درخت ہیں جو ماحول کو خوش گوار بنارہے ہیں

لاہور: وزیرتعلیم پنجاب ڈاکٹرمرادراس نےپاکستان چیمبرآف ایجوکیشن کےوفدسےملاقات کی۔

ملاقات کے دوران وزیر تعلیم پنجاب ڈاکٹر مراد راس نے کہا کہ نجی سکولوں کے اساتذہ کو یکساں نصاب تعلیم کے اطلاق کے حوالے سے حکومت کی جانب سےمفت تربیت دی جائے گی۔انہوں نے مزید کہا کہ تعلیم کے شعبے سے وابستہ تمام سٹیک ہولڈرز کو ساتھ لے کر چلنا ناگزیر ہے ۔

ملاقات میں صدر پاکستان چیمبر آف ایجوکیشن اشفاق وڑائچ،سیکرٹری جنرل پاکستان چیمبر آف ایجوکیشن علی رضاودیگر شریک تھے۔

پاکستان چیمبر آف ایجوکیشن کے وفد نے تمام اسکولوں میں یکساں نصاب تعلیم کےاطلاق کو بھرپور سراہا ہے ۔ان کا کہنا تھا کہ پاکستان چیمبر آف ایجوکیشن بڑی تعداد میں موجود نجی سکولوں کی نمائندگی کرتی ہے۔