ایمز ٹی وی(انٹرٹینمنٹ)سینئر اداکارعابد کشمیری نے کہاہے کہ جب سے ذات برادری اور غنڈہ گردی والی کہانیوں پرمبنی فلمیں بننا شروع ہوئی ہیں اُسی دن سے ملکی انڈسٹری کی تباہی شروع ہوگئی تھی۔ ماضی میں ہم نے سوشل اور فیملی کہانیوں پر مبنی سینکڑوں فلمیں کامیاب ہوتے دیکھی ہیں ۔ایک بیان میں انکاکہناتھاکہ گزشتہ 35برس سے پاکستانی فلم انڈسٹری میں چند سال ہی انڈسٹری کیلئے بہتر آئے تھے یہی وجہ تھی کہ میں نے اپنے آپ کو ٹی وی اور سٹیج پر مصروف کرلیا۔ آج بھی سٹیج پر معیاری کام کرنیکی کوشش کرتا ہوں تاکہ فیملیز کو تھیٹر کی جانب لایا جائے ،آنیوالا وقت فلم اور سٹیج کیلئے بہتر ہوگا۔ان کاکہناتھاکہ معیاری فلموں کوہردورمیں پسند کیاگیا۔ ہمارے نوجوان جس قدرمحنت اورلگن کیساتھ فلمیں بنارہے ہیںمیں پرامیدہوں کہ سینماگھروں میں پاکستانی فلموں کاراج ہوگا۔