ایمز ٹی وی(انٹرٹینمنٹ) بالی ووڈ کنگ شاہ رخ خان کا کہنا ہے کہ ماہرہ خان اور نواز الدین صدیقی اچھے اداکار ہیں جن سے مجھے سیکھنے کا موقع مل رہا ہے ۔ پاکستانی خوبرو اداکارہ ماہرہ خان جو کہ پاکستانی ڈراموں کے ساتھ ساتھ فلموں میں بھی اپنا مقام بنا چکی ہیں انہوں نے بالی ووڈ میں اپنے کیرئیر کا آغاز شاہ رخ خان کی فلم’’رئیس‘‘ سے کیا ۔ فلم کی شوٹنگ کے دوران ہی شاہ رخ خان پاکستانی اداکارہ کی پرفارمنس سے بے حد متاثر ہوئے اور انہیں ایک باصلاحیت اداکارہ قرار دیا ۔ بالی ووڈ کنگ کا اپنے ایک انٹرویو میں کہنا تھا کہ ماہرہ خان اور نواز الدین صدیقی سمیت فلم کے تمام اداکار’’رئیس‘‘ کے لیے بہترین انتخاب ہیں اور مجھے امید ہے کہ ان کی مدد سے میری کارکردگی میں مزید بہتری آئے گی -