ایمز ٹی وی(انٹر ٹینمنٹ)امجد صابری کی شہادت ہماری زندگی کا اتنا بڑا سانحہ اور المیہ ہے دل خون کے آنسو رورہا ہے اب تک یقن نہیں آرہا کہ امجد صابری اب ہمارے درمیان نہیں، اس المناک سانحہ نے ہماری تمام خوشیاں ہم سے چھین لیں، اس کی یادیں اب ہمارا اثاثہ ہیں،لہذا اس سال فنکار عید بہت سادگی سے منائیں گے۔

فنکاروں کا کہنا تھا کہ امجد صابری کی یادوں کو تازہ کرنے کے لیے ان کے اہل خانہ کے ساتھ وقت زیادہ سے زیادہ وقت وقت گزاریں گے، یہ عید ہماری امجد صابری کی یادوں کے ساتھ گزرے گی، یہ بات اداکار اسلم شیخ، شہزاد رضا، سلومی، شہزاد علی خان، سلیم آفریدی، حسن جہانگیر،سلیم جاوید، نعیمہ گرج، عمر شریف، نذر حسین، علی حسن، شکیل صدیقی، رؤف لالہ، عرفان ملک، ارشد محمود، ایاز خان، ایم افراہیم نے اپنے تاثرات کا اظہار کرتے ہوئے کہی ان تمام فنکاروں نے عید سادگی سے منانے کا فیصلہ کیا ہے۔ واضح رہے کہ عالمی شہرت یافتہ قوال امجد صابری کو دن دہاڑے ٹارگٹ کلنگ کا نشانہ بنا کر قتل کر دیا گیا تھا۔