ایمز ٹی وی(ٹیکنالوجی)بھارتی خلائی ادارے انڈین اسپیس ریسرچ آرگنائزیشن، آئی ایس آر او نے 20 مصنوعی سیاروں کو بیک وقت خلا میں بھیج دیا۔ اس سے قبل امریکہ اور روس نے بھی ایک ساتھ مصنوعی سیارے خلا میں بھیجے تھے۔

بھارتی میڈیا کے مطابق یہ اسپیس کرافٹ آندھرا پردیش کے سری ہریکوٹا سے لانچ کی گئی۔ جو مصنوعی سیارے خلا میں بھیجے گئے ہیں ان میں 3 بھارت کے، 13 امریکا کے اور بقیہ جرمنی، کینیڈا اور انڈونیشیا کے ہیں۔ ایک مصنوعی سیارہ گوگل کا بھی ہے۔

بھارت کا سب سے چھوٹا خلائی شٹل لانچ کردیا گیا یہ سیارے مدار میں پہنچ کر زمین کے ماحول کا جائزہ لیں گے اور متعلقہ ممالک کو ڈیٹا فراہم کریں گے۔

بھارتی وزیر اعظم نریندر مودی نے سائنسدانوں کی کامیابی پر انہیں مبارک باد بھی پیش کی۔