ایمز ٹی وی ( دہلی) بھارت کا نیا صدر کون ہوگا اس کا فیصلہ آج ہوگا ، امکان ظاہر کیا جارہا ہے کہ آج ملک کی ریاستی اور وفاقی اسمبلیوں میں صدر کے انتخاب کے لئے ہونے والی ووٹنگ میں دلت برداری سے تعلق رکھنے والے رام ناتھ ہی کامیاب قرار پائیں گے۔
غیر ملکی میڈیا کے مطابق بھارت میں دلت برداری کو انتہائی کم تر گردانا جاتا ہے اور کبھی انہیں اچھوت کہہ کر پکارا جاتا تھا یعنی ایسے افراد جنہیں چھوا بھی نہیں جا سکتا۔71 سالہ رام ناتھ کو آج ہونے والے صدارتی انتخابات میں کامیابی کے لئے مقبول ترین امیدوار قرار دیا جارہا ہے۔
وہ مودی کی جماعت بھارتیہ جنتہ پارٹی کی طرف سے اس عہدے کے امیدوار ہیں۔