ایمز ٹی وی (انٹرنیشنل): شام کی فوج نے داعش کے زیر کنٹرول 3 قصبوں میں فضائ حملے کئے جس میں داعش کے 38 جنگجو ہلاک ہوگئے ہیں۔ ادھرشمالی شام کے 2 قصبوں میں سیز فائر میں توسیع پر اتفاق کیا گیا ہے ۔ امریکی حکام نے دعویٰ کیا ہے کہ شام میں روس نے مزید 25 لڑاکا طیارے شام بھیج دیئے ہیں۔ شام میں انسانی حقوق کی تنظیموں کی جانب سے جاری کردہ ایک رپورٹ میں بتایا ہے کہ شدت پسند تنظیم داعش نے دیرالزور کے مشرقی قصبے خشام سے تعلق رکھنے والی ایک 22 سالہ لڑکی کو دو ماہ قید رکھنے کے بعد موت کے گھاٹ اتار دیا ہے۔